जाजरकोटमा फाेर्स गाडी एकआपसमा ठोकिदाँ दुर्घटना, ४ जना घाइते

जाजरकोटमा फोर्स गाडी एकआपसमा ठोकिदा ४ जना घाइते भएका छन ।
जाजरकोटको भेरी नगरपालिका -१२ रातोपोखरा स्थित छिन्चु -जाजरकोट सडक खण्डमा नेपालगञ्जबाट जाजरकोट तर्फ आउदै गरेको लु २ ख ५८३६ नम्बरको फाेर्स गाडी र विपरित दिशाबाट जादै गरेको लु १च ५२९९ नम्बरको फोर्स गाडी ठोकिएर दुर्घटना भएको हो ।

मंगलबार दुर्घटनामा परि घाइते हुनेमा रुकुम पश्चिम चौरजहारी नगरपालिका -३ कि २७ वर्षिय सपना कुमारी महर, नलगाड नगरपालिका- ७ जाजरकोट बस्ने ६३ वर्षिय गंगा बि.क, सोही जिल्ला कुशे गाउँपालिका ६ बस्ने २१ वर्षिय माया तिरुवा र शान्तिनगर गाउपालिका- ६ दाङ बस्ने ३७ वर्षिय बिमला थापा रहेको जिल्ला प्रहरी कार्यालय जाजरकोटका प्रहरी नायव उपरिक्षक पुरोषत्तम प्रसाद पाण्डेले बताए ।

पाण्डेका अनुसार घटनाको सुचना पाउनासाथ प्रहरी सहायक निरिक्षक देब बहादुरको कमाण्डमा ५ जनाको टोली  उद्दारका लागि  खटिएको छ । साथै  ४ जना  घाइतेलाई जिल्ला अस्पताल जाजरकोटमा उपचार भइरहेको छ ।
दुबै फोर्स गाडीका चालकलाई प्रहरीको नियन्त्रयण लिएको छ । दुर्घटनाकाेबारे बाँकि अनुसन्धान भइरहेकाे छ ।