जाजरकोटमा जिप दुर्घटना हुँदा  ७ जना घाइते

जाजरकोट नलगाड नगरपालिका – ५ कानटाकुरामा जिप दुर्घटना हुँदा ७ जना घाइते भएका छन ।
आज विहान साढे ११ बजे नलगाड नगरपालिका -५ खानटाकुरा स्थित लिम्साबाट कालिमाटी तर्फ जादै गरेको भे १ ज ५९५ नम्बरको जिप दुर्घटना भएको छ ।

जिल्ला प्रहरी कार्यालय जाजरकोटका अनुसार जिपकाे ब्रक फेल हुँदा  सडकमा पल्टिएको हो ।
जिपमा सवार ७  जना घाइते भएकाे जिल्ला प्रहरी कार्यालयका प्रहरी नायव उपरीक्षक पुरुषोतम प्रसाद पाण्डेले लाईका खबरसंग बताए ।

घाइते हुनेमा बारेकोट गाउँपालिका- २ की करिब ७०  वर्षिय  जैकलि रोकाय, सोही ठाउँ कि करिब ७८ वर्षिय निलु सिंह, ७० वर्षिय अाेइला घर्ती , ७१ वर्षिय तुलसी पुन, ६० वर्षिय धनकली थापा, ८० वर्षिय पझि घर्ति र बारेकोट कै २१ वर्षिय ऐन प्रसाद घर्ती रहेका छन ।

अहिले घाइतेहरूकाे जिल्ला अस्पातल जाजरकाेटमा उपचार भइरहेकाे प्रहरीले जनाएकाे छ ।

घटनाकाे थप विवरण अाउन बाँकि छ ।