सुर्खेत-दैलेख गाडी दुर्घटना : मृत्यु हुनेको संख्या चार पुग्यो, २५ जना घाइते

दैलेखबाट सुर्खेत आउँदै गरेको फोर्स गाडी वीरेन्द्रनगर नगरपालिका-१४, रातानाङ्ग्ला नजिकै दुर्घटना हुँदा चार जनाको मृत्यु र २५ जना घाईते भएका छन् । दुर्घटनामा परी मृत्यु हुनेहरूको सनाखत भइनसकेको दैलेखका डीएसपी सुनिल ढकालले जानकारी दिए ।

शुक्रबार दिउँसो देउती नागरिकको कर्णाली प्रदेश ०२००१ ख ०९९८ नम्बरको फोर्स गाडी सुर्खेत-दैलेख सीमास्थित रातानाङ्ग्ला नजिकै सडकबाट करिब दुई सय मिटर तल भीरमा खसेको थियो । घाइतेहरूलाई उपचारका लागि प्रादेशिक अस्पताल वीरेन्द्रनगर ल्याइएको छ ।