यस्ता व्यक्तिले आजैबाट खान छोड्नुस मासु ,नत्र हुन सक्छ यस्तो

काठमाडौँ — चिकित्सकहरूले केही दीर्घरोग भएका व्यक्तिलाई मासु सेवनमा विशेष सावधानी अपनाउन सुझाव दिएका छन्। अत्यधिक मासु, चिल्लो, नुन, गुलियो पदार्थ, चिसो पेय र मदिराको सेवनले स्वास्थ्यमा गम्भीर असर पर्न सक्ने उनीहरूको भनाइ छ।

विशेषगरी मुटुरोग, उच्च रक्तचाप, मधुमेह, मृगौला रोग, युरिक एसिड, मोटोपन, उच्च कोलेस्टेरोल, कब्जियत, क्यान्सर तथा ग्यास्ट्राइटिस भएका व्यक्तिले मासु कम मात्रामा सेवन गर्नुपर्ने चिकित्सकहरूको सुझाव छ। सेवन गर्नै परे उसिनेको तथा पंक्षीजन्य मासु उपयुक्त हुने बताइएको छ।

चिकित्सकका अनुसार रातो मासु बढी सेवन गर्दा शरीरमा युरिक एसिड बढ्ने, मुटु तथा रक्तनलीसम्बन्धी समस्या निम्तिन सक्ने जोखिम हुन्छ। पारस पन्जियार ले रातो मासुभन्दा हरियो सागसब्जी, फलफूल, दूध र अण्डाजस्ता पोषक आहार नियमित सेवन गर्न सुझाव दिएका छन्।

मासु सेवन गर्दा राम्रोसँग पकाएर मात्र खानुपर्ने तथा प्रयोग गरिने पशु स्वस्थ भए–नभएको यकिन गर्न पनि चिकित्सकहरूले आग्रह गरेका छन्। दशैंजस्ता पर्वमा मासुको प्रयोग बढी हुने भएकाले यसको सेवनमा विशेष ध्यान दिनुपर्ने उनीहरूको भनाइ छ।