वीरेन्द्रनगरमा सञ्चालित हरी डील भुमि माध्यमिक विद्यालयमा एकदिने नि शुल्क स्वास्थ्य शिविर सञ्चालन

वीरेन्द्रनगर नगरपालिका ३ तातापानिमा सञ्चालित हरी डिल भुमी माध्यमिक विद्यालयले कर्णाली केएर ईन्टरनेसनल हस्पिटल एण्ड रिसर्च सेन्टर प्रा.लिको प्राविधिक सहयोगमा एकदिने नि शुल्क स्वास्थ्य शिविर सञ्चालन गरेको छ । विद्यालयले कक्षा बालविकास देखि कक्षा ५ सम्मका बालबालिकाहरुको प्रत्यक्ष स्वास्थ्य परीक्षण एवम परामर्श शिविर सञ्चालन गरेको हो । उक्त शिविरमा वीरेन्द्रनगर नगरपालिका ३ का वडा सदस्य एवं वीरेन्द्रनगर नगरपालिका कार्यपालिका सदस्य सबिन चालिसे र हरी डिल भुमि विद्यालयका व्यावस्थापन समितिका अध्यक्ष बालकृष्ण हमाल चालिसेको अध्यक्षतामा उक्त शिविर सञ्चालन भएको थियो ।

वीरेन्द्रनगर नगरपालिका ३ मा संचालित हरी डिल भुमि माध्यमिक विद्यालय परीसर भित्र उक्त स्वास्थ्य सिवीर संचालन गरेको हो । एक दिन संचालन हुने उक्त नि शुल्क स्वास्थ्य शिविरमा बालरोग तथा दन्तरोग विशेषज्ञ डाक्टरहरुद्धारा पोषण र दन्त रोग सम्बन्धि परामर्श दिईएको थियो । शिविरमा बाल रोग विशेषज्ञ डा.अनिता दाहाल र दन्त रोग विशेषज्ञ डा.सुमना सुलुको सहभागिता रहेको थियो ।