- साउन १०, २०८२
- No Comment
- 59
सुर्खेत बसपार्कमा एक युवकमाथि अज्ञात समूहकाे आक्रमण

सुर्खेतको वीरेन्द्रनगर बसपार्कमा एक युवकमाथि गएराति अज्ञात समूहले साङ्घातिक आक्रमण गरेको छ । जिल्ला प्रहरी कार्यालय सुर्खेतका अनुसार आक्रमणबाट लेकबेशी नगरपालिका–६ का २२ वर्षीय ललित परियार घाइते भएका छन् । प्रहरी नायव उपरीक्षक मोहनजंग बुढ्थापाले दिएको जानकारीअनुसार राति करिब ११ : ५५ बजेको समयमा वीरेन्द्रनगर बसपार्कमा परियारमाथि धारिलो हतियार प्रहार भएको थियो । थापाका अनुसार स्कुटरमा आएका दुई जनाको समूहले परियारमाथि आक्रमण गरी फरार भएका थिए । घाइते परियारलाई तत्कालै उपचारका लागि नेपालगन्ज लगिएको छ ।
प्रहरीले आक्रमणमा संलग्नहरूको खोजी कार्य तीव्र पारेको जनाएको छ । हालसम्म घटनामा संलग्न कसैलाई पनि पक्राउ गरिएको छैन । प्रहरीले घटनाको थप अनुसन्धान भइरहेको र शङ्कास्पद व्यक्तिहरूको पहिचान गर्ने प्रयास भइरहेको जनाएको छ । प्रहरी नायव उपरीक्षक बुढ्थापाका अनुसार घटनाको कारण अझै खुल्न सकेको छैन र अनुसन्धान जारी छ । पीडित पक्षले दिएको हुलियाका आधारमा प्रहरीले आक्रमणकारीको खोजी गरिरहेको छ ।