नेकपा (एमाले) को नवौं केन्द्रीय पूर्ण बैठक अध्यक्ष ओलीको अध्यक्षतामा सुरु

नेपाल कम्युनिष्ट पार्टी (एमाले) को नवौं केन्द्रीय कमिटी पूर्ण बैठक सुरु भएको छ । च्यासलस्थित पार्टी केन्द्रीय कार्यालयमा सुरु भएको बैठकको अध्यक्षता पार्टी अध्यक्ष एवंम प्रधानमन्त्री केपी शर्मा ओलीले गरेका छन् । बैठकमा विधान महाधिवेशनको तयारी, समसामयिक राजनीतिक परिस्थितिबारे छलफल र आगामी रणनीतिबारे निर्णय गरिने जनाइएको छ । पार्टी स्रोतका अनुसार बैठकमा सबै केन्द्रीय सदस्यहरूलाई उपस्थिति अनिवार्य गरिएको छ ।