सुर्खेतमा जुवातास खेलिरहेको अवस्थामा ४ जना पक्राउ

सुर्खेत। सुर्खेतमा जुवातास खलिरहेको अवस्था ४ जनालाई सुर्खेत प्रहरीले पक्राउ गरेको छ । वीरेन्द्रनगर नगरपालिका- ९ बुलबुले स्थित नगेन्द्र प्रसाद अधिकारीको घरमा जुवातास खेलिरहेको अवस्थामा प्रहरीले पक्राउ गरेको हो । पक्राउ पर्नेमा वीरेन्द्रनगर नगरपालिका- ७ निवासी ६४ वर्षीय लक्ष्मी प्रसाद देवकोटा, सोही नगरपालिका- ९ निवासी ५६ वर्षीय ददिराम खरेल, ५८ वर्षीय तुलाराम अधिकारी र ३४ वर्षीय नरेन्द्र प्रसाद अधिकारी रहेको जिल्ला प्रहरी कार्यालय सुर्खेतले जनाएको छ ।

उनीहरुको साथबाट ७६,९०० नगद, ५२ पत्ति तास बरामद गरिएको जिल्ला प्रहरी कार्यालय सुर्खेतका प्रहरी नायव उपरीक्षक मोहनजंग बुढथापाले बताएका छन । पक्राउ परेका उनीहरुलाई ५ दिनको म्याद थप गरी अनुसन्धान गर्ने प्रहरीले जनाएको छ ।