जाजरकोटमा टिप्पर दुर्घटना हुँदा १ जनाको मृत्यु, २ जना घाइते

जाजरकोटमा टिप्पर दुर्घटना हुँदा एक जनाको मृत्यु भएको छ । अन्य दुई जना घाइते भएका छन् ।
आज बिहान साढे ८ बजेको समयमा मध्यपहाडी राजमार्ग अर्न्तगत छेडागाड नगरपालिका–११ सिम्लेखोला स्थित
फुन्मा देखि वडाबन तर्फ गिट्टी लिएर आउदै गरेको भे १ प १०५५ नम्बरको टिप्पर दुर्घटना भएको हो ।

टिप्परको एक्कासी ब्रेक फेल भई सडकको भित्ता साईडमा ठोकीई सडकमा पल्टिदा दुर्घटना भएको जिल्ला प्रहरी कार्यालय जाजरकोटले जनाएको छ ।

मृतक मध्यपहाडी राजमार्ग निर्माणको जिम्मा लिएको शुरुकृति कम्पनीको ट्याक्टर चलाउँदै आएका तुल्सिपुर उपमहानगरपालिका वडा नम्बर- ३ बस्ने ४० वर्षीय हरि प्रसाद भट्टराई रहेको जिल्ला प्रहरी कार्यालय जाजरकोटका प्रहरी नायब उपरीक्षक पुरुषोत्तम प्रसाद पाण्डेले लाईका खबरलाई जानकारी दिए । पाण्डेका अनुसार घाइते हुनेमा वीरेन्द्रनगर नगरपालिका- १ बस्ने चालक २५ वर्षीय सन्तोष सुनार र दैलेख जिल्ला नारायाण नगरपालिका वडा नम्बर- ३ बस्ने सहचालक १८ वर्षीय हरि प्रसाद भट्टराई रहेका छन ।

उनीहरु दुवैलाई थलहस्थित छेडागाड नगर अस्पतालमा उपचार भइरहेकाे छ। तर चालक सुनारको अवस्था गम्भिर भएकोेले थप उपचारका लागि नेपालगंज रिफर गरिएको प्रहरीले जनाएको छ ।