चौकुने गाउँपालिकामा ५० प्रतिशत अनुदानमा उन्नत धानको बीउ वितरण

सुर्खेत। चौकुने गाउँपालिका कृषि विकास शाखा ले ५० प्रतिशत अनुदानमा उन्नत जातको धानको बीउकिसानहरुलाई वितरण सुरु गरेको छ। गाउँपालिकाले धान रोपाइँ सिजनलाई लक्षित गर्दै किसानलाई “सुक्खा धान–३” र “बहुगुणी–२” जातका उन्नत धानको बीउ उपलब्ध गराइरहेको जनाएको छ। कृषि विकास शाखाका अनुसार किसानको मागका आधारमा विभिन्न वडामा बीउ वितरण भइरहेको हो।

कृषि विकास शाखा प्रमुख लोकमणि जोशी ले किसानलाई समयमै उन्नत बीउ उपलब्ध गराएर उत्पादन वृद्धि गर्ने लक्ष्य राखिएको बताउनुभयो। उहाँका अनुसार अनुदान कार्यक्रमले किसानलाई राहत पुग्नुका साथै आधुनिक कृषि प्रणालीतर्फ आकर्षित गर्ने विश्वास लिइएको छ। चौकुने गाउँपालिकाले विगतका वर्षझैँ यस वर्ष पनि अनुदान कार्यक्रमलाई निरन्तरता दिएको जनाएको छ।

उन्नत जातका बीउ प्रयोगबाट उत्पादन वृद्धि हुने अपेक्षासहित किसानलाई सहुलियत दरमा बीउ उपलब्ध गराइएको कृषि शाखाले बताएको छ। स्थानीय किसानले अनुदान कार्यक्रमले खेती गर्न सहज हुने र समयमै उन्नत बीउ पाएपछि उत्पादन बढ्ने विश्वास किसानको रहेको छ।

चौकुने गाउँपालिकाले आधुनिक कृषि प्रविधि, उन्नत बीउविजन तथा कृषकलाई प्रोत्साहन गर्ने कार्यक्रममार्फत धान उत्पादन वृद्धि गर्ने लक्ष्य लिएको जनाएको छ।