रेशम नेपकिङलाई ‘राष्ट्रिय कल्याण पुरस्कार २०२५’ प्रदान

काठमाडौं । सामाजिक सेवामा सक्रिय रेशम नेपकिङलाई ‘राष्ट्रिय कल्याण पुरस्कार २०२५’ प्रदान गरिएको छ। कर्णाली प्रदेशसहित देशका विभिन्न जिल्लामा सामाजिक कार्यमा योगदान पुर्‍याउँदै आएका नेपकिङलाई उक्त सम्मान प्रदान गरिएको हो।

स्वास्थ्य, शिक्षा, बालबालिका तथा विपद् व्यवस्थापनका क्षेत्रमा निरन्तर सक्रिय रहँदै आएका उनले सानो प्रयासमार्फत समाजमा सहयोग गर्दै आएका छन्। सोही योगदानको कदरस्वरूप उनलाई उक्त पुरस्कार प्रदान गरिएको आयोजकले जनाएको छ।

पुरस्कार प्राप्तिपछि प्रतिक्रिया दिँदै नेपकिङले उक्त सम्मान आफू एक्लैको नभई आफूलाई साथ, सहयोग र विश्वास गर्ने सबैको साझा उपलब्धि भएको बताएका छन्। उनले सहयोग, हौसला र विश्वास प्रदान गर्ने सबैप्रति आभार व्यक्त गरेका छन्।

नेपकिङले आगामी दिनहरूमा पनि सामाजिक सेवामा थप सक्रिय रहने र समाजका लागि अझ बढी योगदान गर्ने प्रतिबद्धता जनाएका छन्। साथै, सामाजिक कार्यसँगै कलाकारिता क्षेत्रमा अघि बढ्न प्रेरणा दिने प्राध्यापक प्रदीप राज बन्टालगायत सम्पूर्ण आयोजकप्रति विशेष धन्यवाद व्यक्त गरेका छन्।