अतिक्रमणकारी र सुकुम्बासी छुट्याएर जग्गा वितरण गरिने : प्रधानमन्त्री बालेन्द्र शाह

काठमाडौं । प्रधानमन्त्री बालेन्द्र शाह ले अतिक्रमणकारी र वास्तविक सुकुम्बासी छुट्याएर आवश्यक व्यक्तिलाई यथाशक्य चाँडो जग्गा वितरण गर्ने बताएका छन्।

शुक्रबार साँझ सामाजिक सञ्जालमार्फत् आफ्नो धारणा सार्वजनिक गर्दै प्रधानमन्त्री शाहले दीर्घकालीन रूपमा जटिल बन्दै आएको सुकुम्बासी समस्याको स्थायी समाधानतर्फ सरकार केन्द्रित रहेको उल्लेख गरेका छन्।

उनले वास्तविक सुकुम्बासी पहिचान गरी उनीहरूको व्यवस्थापन गर्ने तथा अतिक्रमण गर्नेहरूलाई छुट्याएर कानुनी प्रक्रिया अघि बढाइने स्पष्ट पारेका छन्। साथै, समस्या समाधानका लागि सरकारले व्यवस्थित योजना तयार गरी कार्यान्वयन गर्ने प्रतिबद्धता पनि जनाएका छन्।

प्रधानमन्त्री शाहको उक्त भनाइ सुकुम्बासी व्यवस्थापन तथा जग्गा वितरण सम्बन्धी विषयमा भइरहेको बहसका बीच आएको हो।