करोडौँ ठगीका आरोपित पवन विक सुर्खेतबाट पक्राउ

सुर्खेत — अन्तर्वार्ता तथा लिखित परीक्षा उत्तीर्ण गराइदिने प्रलोभन देखाएर विभिन्न व्यक्तिबाट करोडौँ रुपैयाँ ठगी गरेको आरोपमा फरार रहेका पवन विक पक्राउ परेका छन्।

जिल्ला प्रहरी कार्यालय सुर्खेतका अनुसार उनीविरुद्ध जैसरा थापाको जाहेरीका आधारमा ठगी मुद्दा दर्ता भएको थियो। लामो समयदेखि फरार रहेका विकलाई विशेष सूचनाका आधारमा खोजतलास गर्दै जाँदा वीरेन्द्रनगर नगरपालिका–६ बाट पक्राउ गरिएको हो।

प्रहरीले उनलाई चैत २४ गते दिउँसो करिब १:३० बजे लुकिछिपी बसेको अवस्थामा नियन्त्रणमा लिएको जनाएको छ।

पक्राउ परेका विकलाई हाल प्रहरी हिरासतमा राखी थप अनुसन्धान तथा कानुनी प्रक्रिया अघि बढाइएको छ।