बालेनको डेरा कोठामा चोरी गर्ने तीन जना पक्राउ

काठमाडौँ — राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहको डेरा कोठामा चोरी गरेको आरोपमा प्रहरीले तीन जनालाई पक्राउ गरेको छ।

पक्राउ पर्नेमा काठमाडौँ महानगरपालिका–१६ बालाजु हाइट घर भई हाल बासवारी बस्दै आएका ४२ वर्षीय मनिष राजवाहक, सिन्धुपाल्चोक लिसंखुपाखर गाउँपालिका–६ पड्कु घर भई हाल काठमाडौँ महानगरपालिका–३१ गैरिगाउँ बस्ने ४६ वर्षीय खिमबहादुर खड्का तथा डोटी दिपायल सिलगढी नगरपालिका–६ घर भई हाल धादिङ धुनिबेशी नगरपालिका–७ खानीखोला बस्ने ४५ वर्षीय संजय श्रेष्ठ रहेकाे प्रहरीले जनाएकाे छ ।

प्रहरीका अनुसार उनीहरूलाई विभिन्न मितिमा पक्राउ गरिएको हो। प्रारम्भिक अनुसन्धानका क्रममा पक्राउ परेका व्यक्तिहरू यसअघि पनि आपराधिक गतिविधिमा संलग्न रहेको खुलेको  छ।

घटनाबारे थप अनुसन्धान भइरहेको र आवश्यक कानुनी प्रक्रिया अघि बढाइएको प्रहरीले जानकारी दिएको