इरानमा अत्यावश्यक औषधिको अभाव

काठमाडौं । इरान मा अत्यावश्यक औषधिको अभावसँगै मूल्यमा तीव्र वृद्धि भएको रिपोर्ट सार्वजनिक भएको छ, जसका कारण सर्वसाधारण नागरिकलाई उपचार पाउन कठिन हुँदै गएको छ ।

रिपोर्टहरूका अनुसार क्यान्सर र मुटु रोगजस्ता गम्भीर रोगका औषधिहरू पर्याप्त मात्रामा उपलब्ध छैनन् । धेरै बिरामीहरूले आवश्यक औषधि नपाएको गुनासो गरेका छन् भने उपलब्ध भएका औषधिको मूल्य अत्यधिक महँगो भएपछि निरन्तर उपचार गर्न समेत समस्या भएको जनाइएको छ ।

विशेषगरी हड्डीको क्यान्सर उपचारमा प्रयोग हुने ‘एक्सगेभा’ औषधिको मूल्यमा अत्यधिक वृद्धि भएको छ । दुई महिनामा एकपटक प्रयोग गर्नुपर्ने उक्त औषधिको मूल्य करिब १ करोड ५० लाख रियालबाट बढेर ४२ करोड रियालसम्म पुगेको उल्लेख गरिएको छ ।

औषधिको अभाव र मूल्यवृद्धिका कारण मध्यम तथा न्यून आय भएका परिवारहरू सबैभन्दा बढी प्रभावित भएका छन् । उपचार खर्च धान्न नसक्दा धेरै बिरामीहरू जोखिममा पर्ने अवस्था सिर्जना भएको छ ।

यता, मोहम्मद रेजा आरेफ ले भने देशमा पर्याप्त औषधि मौज्दात रहेको र अवस्था नियन्त्रणमै रहेको दाबी गरेका छन् ।

सरकारी दाबी र वास्तविक अवस्थाबीच अन्तर देखिएपछि इरानमा स्वास्थ्य सेवा व्यवस्थापनप्रति थप चिन्ता व्यक्त हुन थालेको छ ।