सुर्खेतका सामुदायिक विद्यालय आइतबारदेखि ४ दिनका लागि बन्द

सुर्खेत। जेन–जी आन्दोलनका क्रममा ज्यान गुमाएका प्रति श्रद्धाञ्जली प्रकट गर्दै सुर्खेतका सामुदायिक विद्यालय ४ दिनका लागि बन्द हुने भएका छन्।

सामुदायिक विद्यालय व्यवस्थापन समिति महासंघ नेपाल, सुर्खेतले जारी गरेको विज्ञप्तिअनुसार भदौ २९ गतेदेखि असोज २ गतेसम्म र असोज ५ गतेसम्म जिल्लाभरका सामुदायिक विद्यालयमा शैक्षिक गतिविधि बन्द रहनेछ। तर, आर्थिक र प्रशासनिक काम भने यथावत रहने महासंघले स्पष्ट पारेको छ।

महासंघका अध्यक्ष चन्द्रा कुमारी खड्काले जारी गरेको विज्ञप्तिमा पछिल्ला राजनीतिक घटनाक्रमका कारण शान्ति–सुरक्षाको अवस्था जोखिमपूर्ण बनेको उल्लेख छ। यस अवस्थामा विद्यालय सञ्चालन गर्दा बालबालिका असुरक्षित हुन सक्ने भएकाले विद्यालय बन्द गर्ने निर्णय गरिएको जनाइएको छ।

बन्दका कारण छुट्न सक्ने पठनपाठनका दिनलाई स्थानीय बिदासँग मिलाएर पुरा गर्न विद्यालयलाई अनुरोध गरिएको महासंघले जनाएको छ।