आजकाे माैसम

हाल मनसुनको न्यून चापीय रेखा सरदर स्थान आसपास अवस्थित भएको जल तथा मौसम विज्ञान विभाग, मौसम पूर्वानुमान महाशाखाले जनाएको छ।

देशभर सामान्यतया बदली रहने र पहाडी भू–भागका केही स्थान तथा तराईका थोरै भागमा मध्यम वर्षा पर्ने सम्भावना रहेको महाशाखाले जनाएको छ।

विशेषगरी कोशी, गण्डकी प्रदेशको पहाडी क्षेत्र, लुम्बिनी र सुदूरपश्चिम प्रदेशको पहाडी तथा तराई भू–भागका एक–दुई स्थानमा भारी वर्षा हुने सम्भावना रहेको विभागले चेतावनी दिएको छ।

विभागले वर्षासँगै पहिरो, बाढी तथा जलमग्नता जस्ता जोखिम हुनसक्ने भएकाले सतर्कता अपनाउन सबैलाई आग्रह गरेको छ।