सुर्खेतमा निषेधाज्ञा उल्लङ्घन गर्ने ६ जना पक्राउ

सुर्खेत — सुर्खेतमा निषेधाज्ञा उल्लङ्घन गरेको आरोपमा ६ जना पक्राउ परेका छन्। जिल्ला प्रहरी कार्यालय सुर्खेतका अनुसार वीरेन्द्रनगरका विभिन्न स्थानमा निषेधाज्ञा पालना नगरी हिँडडुल गर्ने व्यक्तिहरूलाई नियन्त्रणमा लिइएको हो।

पक्राउ पर्नेमा जुम्लाका बद्री बोहोरा, सुर्खेत विजौराका मोहन थापा, कालिकोट पचालझरनाका महेश बुढाथोकी र मिलन बस्नेत, तिलागुफाका प्रेम कुँवर र शुभकालिकाका पुष्पराज शाही रहेका छन्।

प्रहरी नायव उपरीक्षक मोहनजंग बुढथापाका अनुसार शान्ति सुरक्षा र जनस्वास्थ्यलाई ध्यानमा राखी जारी गरिएको निषेधाज्ञा उल्लङ्घन गर्ने कार्यलाई कडाइका साथ निगरानी गरिएको छ।

प्रहरीले निषेधाज्ञाको पूर्ण पालना गर्न आग्रह गर्दै नियम उल्लङ्घन गर्ने जो कोहीलाई पनि कानुन बमोजिम कारबाही गरिने चेतावनी दिएको छ। जारी निषेधाज्ञा बिहीबार बिहान ८ः३० बजेदेखि साँझ ६ः०० बजेसम्म लागू हुनेछ।