विद्यालयस्तरीय तिज गीत प्रतियोगिता सम्पन्न

चौकुने। चौकुने गाउँपालिका वडा नम्बर २ मा रहेको श्री नेपाल राष्ट्रिय माध्यमिक विद्यालय चौकुने २ लगामले तीजको अवसर पारेर ” हाम्रो परम्परा कला र संस्कृतिको संरक्षण गरौं ” भन्ने मुल नाराका साथ विद्यालयस्तरीय तिज गीत प्रतियोगिता सम्पन्न गरेको छ । ने रा मा बि लगामका प्राध्यापक लाल बहादुर थापाले कार्यक्रमको उद्घाटन गर्दै तीज गीतका नाममा छाडा गीत, रत्यौली लगायतका संस्कृति भन्दा बाहिरको विषय हाबी भएको बताउनु भएको छ ।

तिज पर्व र तिज गीतलाई पुरानै लयमा फर्काउन मौलिक तिज गीत प्रतियोगिता आवश्यक रहेको उहाँको सुझाव रहेको छ । पछिल्लो समय तिज गीत सुन्न नसकिने खालका भड्किला हुँदा परम्परागत संस्कृतिको संरक्षण गर्नुपर्नेमा थापाले जोड दिनु भएको छ । नेपाली कला, संस्कृति संरक्षण गर्ने उद्देश्यले विद्यालय स्तरीय तिज गीत प्रतियोगिता आयोजना गरिएको विद्यालय व्यवस्थापन समितिका अध्यक्ष अर्जुनसिंह बि क ले बताउनुभयो ।

महिला दिदीबहिनीको सम्मानका लागि विद्यालयस्तरीय तिज गीत प्रतियोगिता सञ्चालन गरिएको हो । विद्यालयस्तरीय तिज गीत प्रतियोगितामा प्रथम, दोस्रो, तेस्रो र चौथो हुनेलाई नगद तथा स्टेसनरी सामाग्री बितरण गरिएको प्राध्यापक लाल बहादुर थापाले जानकारी दिनुभएको छ कार्यक्रम श्री नेपाल राष्ट्रिय माध्यमिक बिधालयका प्र अ लाल बहादुर थापाको अध्यक्षतामा भएको उक्त कार्यक्रममा देवमानसिहं बन्तोला ,चन्दकला थापा मगर ,तुलिसरा खत्री ,यामसरी आले मगर ,गंगा बि क ,गरिमा बन्तोला ,जैसरा आले मगर र शिक्षक अभिभावक संध अध्यक्ष महेन्द्र खण्डी लगायत बिध्यार्थीहरु र अभिभावकको उपस्थित रहेको उक्त कार्यक्रम ने रा मा बि का सह- प्रध्यापक मन बहादुर सिजापति मगरले संचालन गर्नु भएको थियो ।