लाखे जात्रापछि सुर्खेतमा सरसफाइ अभियान सम्पन्न

सुर्खेत – ऐतिहासिक लाखे जात्राको समापनसँगै सुर्खेतमा सरसफाइ अभियान सम्पन्न भएको छ। अन्तर्राष्ट्रिय कराते खेलाडी तथा युवा अभियन्ता प्रकाश खड्काको नेतृत्वमा युवाहरूको सक्रिय सहभागितामा सो अभियान सञ्चालन गरिएको हो।

अभियन्ता खड्काले संस्कृति जोगाउनुका साथै त्यसपछि बाँकी रहने फोहर व्यवस्थापन गर्नु पनि हाम्रो संस्कार भएको उल्लेख गर्दै स्वच्छ वातावरण नै समाजको पहिचान भएको बताए।

युवाहरूको पहलमा सम्पन्न सरसफाइ अभियानले सांस्कृतिक गतिविधिपछि पनि समुदायप्रति जिम्मेवार र सचेत रहनुपर्ने सन्देश दिएको सहभागीहरूले बताएका छन्।