चौकुनेमा अटो दुर्घटना हुँदा ६ जना घाइते

चौकुने। सुर्खेतको चौकुने गाउँपालिका- ७ जिउनारीताल स्थित मदन भण्डारी सडकखण्डमा अटो दुर्घटना हुँदा छजना जना घाइते भएका छन् । आज बिहान मायातालबाट गुटुतर्फ जाँदै गरेको से १ ह २७०० नम्बरको अटो आफैँ अनियन्त्रित भई सडकबाट करिब ३०–४० फिट तल खस्दा अटोमा सवार सातजना घाइते भएको ईलाका प्रहरी कार्यालय गुटुका प्रहरी सहायक निरिक्षक कुष्ण बहादुर बटलाले जानकारी दिनु भएको छ ।

घाइते हुनेहरूमा चौकुने गाउँपालिका- ५ का २५ वर्षका नवराज आले ,मिना बि क ,मिना बि क को पाँच महिनको छोरा नरिश बि क ,चौकुने -८ कोलघाटका बर्ष १० का धरमीसरा बि क , ३५ वर्षकी जसुदा बि क ,र अटोमा सवार चलाक सहित ६ जना घाइते भएकाे प्रहरीले जनाएकाे छ । घाईते भएकाहरुलाई स्थानीय पाण्डे मेडिकलमा प्राथमिक उपचार गरी, विरेन्द्रनगर स्थित प्रदेश अस्पताल रिफर गरिएको ईलाका प्रहरी कार्यलय गुटुले जानकारी दिएको छ ।