कर्णाली याक्सले पवन सर्राफलाई अनुबन्ध  

साउन २४ । राष्ट्रिय टिमका खेलाडी पवन सर्राफलाई नेपाल प्रिमियर लिग (एनपीएल) दोस्रो संस्करणका लागि कर्णाली याक्सले अनुबन्ध गरेको छ ।

शनिबार ललितपुरस्थित रोयल टुलिपमा सुरु भएको अक्सनमा ‘ए’ क्याटागोरीका सर्राफका लागि कर्णाली याक्स, विराटनगर किंग्स, चितवन राइनोज र लुम्बिनी लायन्सले अधिकतम १५ लाख रुपैयाँसम्म बोली लगाएका थिए । ‘लक्की ड्र’ मार्फत कर्णालीले पवनलाई टिममा भित्र्याउन सफल भएको हो ।

चोटका कारण पवन पहिलो संस्करणमा खेलेका थिएनन् । दोस्रो संस्करणका लागि एनपीएलमा १६४ खेलाडी अक्सनको सूचीमा रहेका छन्, जसमध्ये हालसम्म १० खेलाडी विक्री भइसकेका छन् ।