कृषि विकास बैंकको नाफा ५०% बढ्यो, प्रतिशेयर आम्दानी २७ रुपैयाँ ६३ पैसा

कृषि विकास बैंकले आर्थिक वर्ष २०८१/८२ को चौथो त्रैमाससम्ममा ४ अर्ब १५ करोड ४४ लाख रुपैयाँ खुद नाफा आर्जन गरेको छ । यो रकम अघिल्लो वर्षको तुलनामा ५० प्रतिशतले बढी हो । बैंकले अघिल्लो आर्थिक वर्षको सोही अवधिमा २ अर्ब ८९ करोड ७४ लाख रुपैयाँ नाफा कमाएको थियो। त्यस्तै, गत वर्षको सोही अवधिमा संचालन मुनाफा ९ अर्ब ७६ करोड तथा खुद ब्याज आम्दानी ९ अर्ब ८२ करोड रुपैयाँ रहेकोमा चालु वर्ष क्रमशः ११ अर्ब ८९ करोड र ९ अर्ब ८२ करोड पुगेका छन् ।

यो अवधिमा बैंकले २ खर्ब ९३ अर्ब ५७ करोड रुपैयाँ निक्षेप संकलन गर्दै २ खर्ब १६ अर्ब २ करोड रुपैयाँ कर्जा परिचालन गरेको छ। बैंकको कुल सम्पत्ति ३ खर्ब ६२ अर्ब ५० करोड रुपैयाँ पुगेको छ । प्रतिशेयर आम्दानी (EPS) अघिल्लो वर्षको १८ रुपैयाँ ५६ पैसाबाट बढेर २७ रुपैयाँ ६३ पैसा पुगेको छ भने प्रतिशेयर नेटवर्थ २४१ रुपैयाँ ४ पैसा भएको छ। बैंकको ब्याजदर स्प्रेड ३.९६ प्रतिशत रहेको छ ।