बिहानै कागती पानी पिउँदा यस्ता छन् अद्भुत फाइदाहरू

साउन १९– मोटोपनाको समस्या दिनहुँ बढ्दो क्रममा रहेको आजको जीवनशैलीमा, धेरै मानिस तौल घटाउने प्रयासमा विभिन्न उपाय अपनाइरहेका छन् । यस्ता उपायमध्ये एउटा लोकप्रिय र प्रभावकारी विकल्प हो – बिहान खाली पेटमा कागती पानी पिउने बानी ।

विशेषज्ञहरूका अनुसार बिहानको समय शरीरका लागि सबैभन्दा उपयुक्त मानिन्छ, र यस समयमा स्वस्थ दिनको सुरुवात गर्नुले शरीरलाई ऊर्जा प्रदान गर्नुका साथै रोगहरूबाट जोगाउन पनि मद्दत गर्छ।

कागतीलाई आयुर्वेदमा औषधीय गुण भएको फल मानिन्छ जसमा प्रचुर मात्रामा भिटामिन सी लगायत अन्य पोषक तत्व पाइन्छ। दैनिक रुपमा कागती पानीको सेवनले शरीर सफा गर्छ, पाचन प्रणाली सुधार गर्छ, तथा रोग प्रतिरोधात्मक क्षमता बढाउँछ।

१. तौल कम गर्न सहयोगी
खाली पेट कागती पानी पिउँदा शरीरमा भएको बोसो चाँडै बर्न हुन्छ, जसले तौल घटाउन सहज बनाउँछ। यदि यसमा एक चम्चा मह मिसाइएमा, झनै छिटो परिणाम देखिन्छ।

२. पाचन प्रणाली सुधार
कब्जियत, एसिडिटी वा अपचको समस्या भएमा बिहान कागती पानीको सेवन निकै लाभदायक मानिन्छ। यसमा भएको सिट्रिक एसिड र भिटामिन सीले पेटको एसिड सन्तुलन कायम राख्दै पाचन क्रिया सक्रिय बनाउँछ।

३. रोग प्रतिरोधात्मक क्षमता बलियो बनाउने
बारम्बार बिरामी हुने व्यक्तिहरूका लागि कागती पानी राम्रै समाधान हुन सक्छ। भिटामिन सी र एन्टिअक्सिडेन्टले शरीरलाई संक्रमणबाट जोगाउन मद्दत गर्छ।

४. शरीरलाई हाइड्रेट राख्ने
पानी कम पिउने व्यक्तिका लागि कागती पानी एक राम्रो विकल्प हो। यसले शरीरमा पानीको कमी हुन दिँदैन र दिनभर ऊर्जावान बनाइराख्छ।

सेवन गर्दा यस्ता कुरामा ध्यान दिनुहोस्:

• बिहानै खाली पेटमा पिउनुहोस्।

• पानी मनतातो हुनु जरुरी छ।

• आवश्यक भएमा एक चम्चा मह मिसाउन सकिन्छ।

• यदि कुनै स्वास्थ्य समस्या छ भने चिकित्सकसँग परामर्श लिनुहोस्।

स्वस्थ जीवनशैलीका लागि स–साना तर महत्वपूर्ण बानीहरूले ठूलो भूमिका खेल्छन्। कागती पानी पिउने बानी पनि यस्तै सरल तर प्रभावकारी अभ्यास हो, जसले तपाईंलाई दीर्घकालीन रूपमा स्वस्थ र ऊर्जावान राख्न सक्छ।