- साउन १६, २०८२
- No Comment
- 55
पानी निकासको व्यवस्था नगर्दा बस्ती डुबेको भन्दै चौकुनेमा विरोध प्रदर्शन

चौकुने। चौकुने गाउँपालिका वडा न. ८ मोतिसेरा अन्तर्गत मदन भण्डारी राजमार्ग निर्माणको क्रममा पानी निकासको बाटो नदिँदा घरहरू डुबानमा परेको भन्दै त्यहाँका बासिन्दाले रोडमा मुढाहरुले छेकवार गरि विरोध प्रदर्शन गरेका छन् ।
उनीहरुले मदन भण्डारी सडक-खण्डमा आज बिहान अवरुद्ग गरेका हुन् । सडक निर्माणको क्रममा पानीको निकासका लागि कल्भर्ट निर्माण नगरेका कारण घरवस्ती डुबानमा परेको स्थानीयको भनाइ छ ।
पानीको निकास नहुँदा वडामा रहेका बासिन्दा समस्यामा परेको वडा अध्यक्ष कमल बहादुर जि सीले जानकारी दिनु भएको छ । पटक-पटक सरोकारवालाको ध्यानाकर्षण गराउँदा पनि वेवास्ता गरेकाले समस्या उत्पन्न भएको उहाँको भनाइ छ ।
सडकमा हालिएको हृयुम पाइप मिलाउनुपर्ने माग राखेर स्थानीयले प्रदर्शन गरेका थिए ।प्रदर्शनमा उत्रिएकाहरुलाई चौकुने गाउँपालिका वडा न ८ का वडा अध्यक्ष कमल बहादुर जि सी लगायतले सम्झाएर पठाउनु भएको थियो । वडा अध्यक्ष कमल जि सी ले पानीको निकासका लागि तत्काल नाला निर्माण गर्ने र सडकको बाढी व्यवस्थापन गर्न आवश्यक कार्य छिट्टै शुरु गर्ने आश्वासन दिनु भएको छ ।