वीरेन्द्रनगरको सुरक्षा व्यवस्था सुदृढ गर्न आज त्रिपक्षीय समझदारी

वीरेन्द्रनगर । वीरेन्द्रनगर नगरपालिकामा शान्ति सुरक्षा सुदृढ गर्ने उद्देश्यले आज नगरपालिका, नेपाल टेलिकम र जिल्ला प्रहरी कार्यालयबीच त्रिपक्षीय समझदारी पत्रमा हस्ताक्षर भएको छ। नगरप्रमुख मोहनमाया ढकालको अध्यक्षतामा भएको कार्यक्रममा नगरभित्र CCTV जडान तथा मर्मत र Wi-Fi Hotspot स्थापना गर्ने सहमति भएको हो।

समझदारी अनुसार, नगरका संवेदनशील तथा मुख्य स्थानहरूमा उच्च प्रविधियुक्त CCTV जडान गरी प्रहरीसँग समन्वयमा निगरानी गरिनेछ। यस सहकार्यले अपराध नियन्त्रण, अनुसन्धान र नगरवासीको सुरक्षालाई प्रभावकारी बनाउनुका साथै नगरलाई प्रविधिमैत्री बनाउन समेत मद्दत पुग्ने विश्वास लिइएको छ।