• साउन ११, २०८२
  • No Comment
  • 49

वाइसिएल सुर्खेतद्वारा मल अभाव अन्त्य गर्न माग

देशभरि मलकाे अभाव चुलिँदो अवस्थामा रहेका बेला योङ कम्युनिष्ट लिग (वाइसिएल) नेपाल, जिल्ला समिति सुर्खेतले मल वितरण प्रणालीमा सुधारको माग गर्दै प्रमुख जिल्ला अधिकारीलाई ज्ञापनपत्र बुझाएको छ। वाईसिएल नेपालका केन्द्रिय सदस्य तथा सुर्खेत जिल्ला ईन्चार्ज विक्रम कुमालको नेतृत्वमा गएको टोलिले ज्ञापनपत्र बुझाएको हो । वाइसिएल सुर्खेत जिल्लाका अध्यक्ष डिल्लीराम भण्डारी र सुर्खेत जिल्ला इञ्चार्ज बिक्रम कुमालद्वारा हस्ताक्षरित ज्ञापनपत्रमा भनिएको छ कि किसानहरू हरेक वर्ष मलको अभावका कारण समस्यामा पर्न बाध्य छन्। देशभरि बाली लगाउने समय चलिरहेको बेला मल अभाव हुनु दुःखद र गम्भीर विषय हो, ज्ञापनमा उल्लेख गरिएको छ।

ज्ञापनपत्रमा कृषिमा आधारित देशको अर्थतन्त्रलाई सबल बनाउन कृषि सामग्रीको सहज आपूर्ति अपरिहार्य भएको उल्लेख गरिएको छ ।  ज्ञापन पत्रमा भनिएको छ। हाम्रा जिल्लाका किसानहरू लाइनमा बसेर मल मागिरहेका छन्, कालोबजारी बढ्दो छ, तर सरकारले समयमै मल आपूर्ति गर्न सकेको छैन । वाइसिएलले मल वितरण प्रणालीमा सुधार गरी कालोबजारी नियन्त्रण गर्न, मल बिक्रेताको अनुगमन गर्न तथा मलको अभावबाट पीडित किसानलाई राहत दिन सरकारसँग माग गरेको छ। साथै, सरकारको तर्फबाट चाँडोभन्दा चाँडो प्रभावकारी पहल नभए आन्दोलनमा उत्रने चेतावनी समेत दिइएको छ। हामी वाइसिएल नेपाल सधैं जनताको पक्षमा छौं, पत्रमा भनिएको छ, सरकारले दिगो समाधान नगरे ठोस कदम चालिनेछ। ज्ञापन बुझाउँदै वाइसिएलले तत्कालका लागि पर्याप्त मल आपूर्ति गर्न, वितरणमा पारदर्शिता कायम गर्न र किसानप्रति उत्तरदायी बन्न सम्बन्धित निकायलाई आग्रह गरेको छ।

सम्बन्धित खबर

Leave a Reply

Your email address will not be published. Required fields are marked *