• असार ३०, २०८२
  • No Comment
  • 52

सुर्खेतमा ब्राउनसुगरसहित  १ जना पक्राउ 

सुर्खेत । जिल्ला प्रहरी कार्यालय सुर्खेतले वीरेन्द्रनगरबाट लागूऔषध (ब्राउनसुगर) सहित एक जनालाई पक्राउ गरेको छ। वीरेन्द्रनगर नगरपालिका–११, सुब्बाकुनाबाट ३२ वर्षीय भूपेन्द्र पोखरेललाई १ ग्राम ५७० मिलिग्राम ब्राउनसुगरसहित  अाइबार साँझ प्रहरीले पक्राउ गरेको हो।

जिल्ला प्रहरी कार्यालय सुर्खेतका प्रवक्ता तथा प्रहरी नायब उपरीक्षक (डीएसपी) मोहनजंग बुढथापाका अनुसार, सुब्बाकुनामा लागूऔषधको कारोबार भइरहेको भन्ने गोप्य सूचनाको आधारमा प्रहरीको संयुक्त टोली खटाइएको थियो। टोलीले नेपालगञ्जबाट सुर्खेततर्फ आउँदै गरेको क.प्र.०२-००१ प. ७००६ नम्बरको मोटरसाइकललाई सुब्बाकुनामा रोकेर जाँच गरेको थियो।

“मोटरसाइकल चालक पोखरेललाई शंकास्पद अवस्थामा फेला पारी उनको शरीर खानतलासी गर्दा उक्त परिमाणको ब्राउनसुगर जस्तो देखिने गिलो पदार्थ बरामद गरिएको हो,” डीएसपी बुढथापाले भने।

प्रहरीले पोखरेललाई नियन्त्रणमा लिई जिल्ला प्रहरी कार्यालय सुर्खेतको हिरासतमा राखेको छ। उनीमाथि लागूऔषधसम्बन्धी कसुरमा मुद्दा दर्ता गरी थप अनुसन्धान भइरहेको कार्यालयले जनाएको छ।

सम्बन्धित खबर

सुर्खेतका विभिन्न हाेटलका सञ्चालकसहित सार्वजनिक हित र नैतिकता विरुद्ध संलग्न १० जना पक्राउ

सुर्खेतका विभिन्न हाेटलका सञ्चालकसहित सार्वजनिक हित र नैतिकता विरुद्ध…

सुर्खेत। सुर्खेतको वीरेन्द्रनगर नगरपालिका-६ मा सञ्चालित विभिन्न होटल तथा रेस्टुरेन्टहरूबाट सार्वजनिक हित, स्वास्थ्य सुरक्षा र नैतिकता विरुद्ध उच्छृङ्खल गतिविधिमा संलग्न भएको…
✍ दोषी कुर्सी

✍ दोषी कुर्सी

लेखक – निडर चदारा। ए हेर नि, कुर्सीमाथि बस्या मान्छे— जनताको पसिना खान्छ, घामपानीमा हिँड्ने हाम्लाई दुःखको भारी थाप्छ। दोषी त…
सक्रिय मनसुनसँगै विभिन्न प्रदेशमा वर्षाको सम्भावना

सक्रिय मनसुनसँगै विभिन्न प्रदेशमा वर्षाको सम्भावना

मनसुन सक्रिय रहेसँगै देशका विभिन्न स्थानमा वर्षा हुने मौसम पूर्वानुमान जल तथा मौसम विज्ञान विभागले जनाएको छ। विभागका अनुसार हाल मनसुनको…

Leave a Reply

Your email address will not be published. Required fields are marked *