स्वास्थ्य बीमा कार्यक्रममा अब दुई लाखसम्मको उपचार सुविधा हुने मन्त्री पौडेल

स्वास्थ्य बीमा कार्यक्रममा सहभागी भएका नागरिकहरूले अबदेखि दुई लाख रुपैयाँसम्मको उपचार सुविधा पाउने भएका छन् । स्वास्थ्य तथा जनसंख्या मन्त्री प्रदीप पौडेलले हालसम्म एक लाख रुपैयाँमा सीमित रहेको उपचार सुविधा आगामी साउन १ गतेदेखि दोब्बर अर्थात् दुई लाख पुर्‍याउने घोषणा गर्नुभएको हो । मन्त्री पौडेलले सामाजिक सञ्जालमार्फत जानकारी दिँदै आठ प्रकारका गम्भीर रोगका बिरामीका लागि यो सुविधा विस्तार गरिएको जनाउनुभएको छ। “कडा रोग लागेर उपचार खर्च जुटाउन नसक्ने नागरिकको पीडामा राहत पुर्‍याउने उद्देश्यले यो निर्णय साउन १ गतेदेखि लागू हुनेछ, ”उहाँले उल्लेख गर्नुभयो ।

दुई लाख रुपैयाँसम्मको उपचार सुविधा अब निम्न रोगहरू भएका बिरामीले पाउनेछन्: क्यान्सर,मुटुरोग, मिर्गौलासम्बन्धी रोग, टाउको र मेरुदण्डमा चोट (हेड र स्पाइनल इन्जुरी), सिकलसेल एनिमिया, पार्किन्सनिज्म, अल्जाइमर रोग  यसअघि सरकारले बीमा योजनामा सहभागी नागरिकलाई आफ्नो निवासस्थानमै उपचार सेवा प्राप्त हुने व्यवस्था मिलाउने निर्णय गरिसकेको छ। साथै, सबै तहका स्वास्थ्य संस्थामा बीमा सुविधा विस्तार गर्ने प्रक्रिया पनि अघि बढाइएको छ।