सुर्खेतको भेरी नदी किनारमा १ जना पुरुषको शव फेला

सुर्खेत  । सुर्खेतको बराहताल गाउँपालिकास्थित भेरी नदीको किनारमा एक अपरिचित पुरुषको शव फेला परेको छ।

जिल्ला प्रहरी कार्यालय सुर्खेतका अनुसार  शुक्रबार दिउँसो करिब ३:४० बजे बराहाताल गाउँपालिका-४, साजघाट रिङाउस्थित नदी किनारमा अन्दाजी ३०/३२ वर्षीय पुरुषको शव भेटिएको हो।

अस्थायी प्रहरी पोष्ट तरङ्गाबाट नियमित गस्तीमा खटिएको प्रहरी सहायक निरीक्षक रमेश कुमार थापा नेतृत्वको प्रहरी टोलीले नदी किनारमा उक्त शव देखेपछि तत्कालै अनुसन्धान गर्न सुरू गरेकाे छ । 

 शवको पहिचान खुल्न सकेको छैन र मृत्युको कारणबारे पनि अनुसन्धान भइरहेको प्रहरीले जनाएको छ।  घटनाबारे थप विवरण आउन बाँकी छ।