वीरगन्जमा ट्रक–मोटरसाइकल दुर्घटना : दुई युवाको मृत्यु, एकको उपचार जारि

वीरगन्ज, पर्सा — वीरगन्ज महानगरपालिका–२२ स्थित सिताराम चोकमा शुक्रबार बिहान भएको सवारी दुर्घटनामा दुई युवाको मृत्यु भएको छ भने एकजना गम्भीर घाइते भएका छन्। प्रहरीका अनुसार सडकमा रोकिएको भारतीय नम्बर प्लेटको ट्रक (एचआर५५के–३९७१) मा बा.प्र. ०३–००४ प ८६१२ नम्बरको मोटरसाइकल ठोक्किँदा तीनजना गम्भीर घाइते भएका थिए।

तीमध्ये पर्साको छिपहरमाई गाउँपालिका–३ झलमहियाका २३ वर्षीय रामाकान्त यादव र २३ वर्षीय विजय यादवको नारायणी अस्पतालमा उपचारका क्रममा मृत्यु भएको प्रहरीले जनाएको छ।घाइते अर्का युवक २२ वर्षीय विजयकुमार यादवको सोही अस्पतालमा उपचार भइरहेको छ।दुर्घटनापछि ट्रक चालक फरार रहेको र उनको खोजी भइरहेको जिल्ला प्रहरी कार्यालय पर्साका प्रहरी नायब उपरीक्षक (डीएसपी) किशोर लम्सालले जानकारी दिए।