साउथ एशियन स्कलर्स एकेडेमीको सहयोगमा सामुदायिक विद्यालयलाई फर्निचर सामग्री हस्तान्तरण

सुर्खेत — निजी विद्यालयले सामुदायिक विद्यालयप्रति देखाएको उत्तरदायित्व र सद्भावको एउटा उदाहरण स्वरूप, साउथ एशियन स्कलर्स एकेडेमी, वीरेन्द्रनगर–३ बाट नजिकैको सामुदायिक विद्यालयलाई फर्निचर सामग्री हस्तान्तरण गरिएको छ ।

साउथ एशियन स्कलर्स एकेडेमीका निर्देशक गणेश अधिकारी र कार्यकारी प्रमुख छत्र बडुवालको पहलमा विद्यालयलाई एक थान सोफा सेट, दुई थान अफिस कुर्सी र तीन थान अफिस टेबल प्रदान गरिएको हो ।

विद्यालय व्यवस्थापन समितिका अध्यक्ष बालकृष्ण हमाल चालिसेले सम्पूर्ण विद्यालय परिवारको तर्फबाट यो सहयोगका लागि हार्दिक धन्यवाद व्यक्त गरेका छन् । उनले निजी विद्यालयले सामुदायिक विद्यालयप्रति देखाएको यो सद्भावले आपसी सम्बन्ध थप मजबुत हुने विश्वास व्यक्त गर्दै शिक्षा क्षेत्रको समग्र विकासमा यस्तो सहयोग सकारात्मक हुने बताए ।

यस सहयोगले सामुदायिक विद्यालयमा भौतिक सुविधा थपिएको छ भने, निजी तथा सामुदायिक विद्यालयबीचको सहकार्यलाई समेत थप प्रेरित गर्ने अपेक्षा गरिएको छ ।