सहमतीको प्रयास असफल भएपछी राष्ट्रिय यूवासंघको मतदान सुर

सहमतीको प्रयास असफल भएपछी नेकपा एमालेको भ्रातृ सङ्गठन राष्ट्रिय युवा संघ नेपालको नयाँ नेतृत्व चयनका लागि मतदान सुरु भएको छ । सहमतिको लामो रस्साकस्सीपछि पोखरा सभागृहमा मङ्गलबार बिहान १० बजेबाट मतदान सुरु भएको हो । भावी नेतृत्वका लागि निवर्तमान अध्यक्ष क्षितिज थेबे र महासचिव सुमन पुरी आ आफ्नो प्यानल खडा गरेर मैदानमा उत्रिएका छन् ।

सहमतीका लागि अध्यक्ष तथा प्रधानमन्त्री केपी शर्मा वलीले प्रयास गर्दापनी सहमती हुन सकेको थिएन । मतदानका लागि ४२ इलेक्ट्रिक भोटिङ मेसिन राखिएको छ भने प्रदेशपिच्छे फरक फरक मतदान बुथ राखिएको छ ।
थेबे प्यानलबाट उपाध्यक्षमा महाराज गुरुङ र विनय शाह तथा महासचिवमा महेश चौलागाईँ उम्मेदवार रहेका छन् । यस्तै, पुरी प्यानलबाट उपाध्यक्षमा प्रकाश गौतम र पर्वत भण्डारीसहित महासचिवमा कुबेर अधिकारी मैदानमा छन् ।