आजको मौसम  

काठमाडौं । हाल देशमा पश्चिमी वायु, स्थानीय वायु र बंगालको खाडी तथा अरब सागरबाट आएको जलवाष्पयुक्त हावाको आंशिक प्रभाव  रहेको छ। जल तथा मौसम विज्ञान विभागका अनुसार देशको मौसममा बदली देखिएको छ भने कतिपय स्थानमा वर्षा र चट्याङ्ग पनि भइरहेको छ।

देशका पहाडी भू-भागहरूमा आंशिकदेखि साधारण बदली रहेको छ भने तराई तथा अन्य क्षेत्रहरूमा मौसम मुख्यतया सफा वा आंशिक बदलीको अवस्थामा रहेको छ। कोशी, मधेश, बागमती र गण्डकी प्रदेशका केही स्थानहरूमा मेघगर्जन र चट्याङ्गसहित हल्का वर्षा भइरहेको विभागले जानकारी दिएको छ।

आज दिउँसो विशेषगरी कोशी, बागमती र गण्डकी प्रदेश तथा देशका पहाडी भू-भागमा आंशिकदेखि साधारण बदली रहनेछ। ती क्षेत्रमा हल्कादेखि मध्यम वर्षाको सम्भावना पनि रहेको छ। साथै, देशका उच्च पहाडी तथा हिमाली भू-भागका एक–दुई स्थानमा हल्का वर्षा र हिमपात हुन सक्ने सम्भावना रहेको मौसमविद्हरूले बताएका छन्।

सामान्यतः आजको मौसम खेतीपातीका लागि केही राहत दिने खालको भए पनि, उच्च पहाडी क्षेत्रमा यात्रा गर्दा सतर्कता अपनाउन सुझाव दिइएको छ।