आजकाे  माैसमी पुर्वानुमान   

काठमाडौं । देशका विभिन्न भागमा आज चट्याङसहित हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ। हाल देशमा पश्चिमी वायु, स्थानीय वायु तथा अरब सागरबाट भित्रिएको जलवाष्पयुक्त हावाको प्रभाव देखिएको छ।

मौसम पूर्वानुमान महाशाखाका अनुसार, अहिले देशको पहाडी भूभागमा आंशिकदेखि सामान्य बदली रहेको छ भने बाँकी भूभागमा आंशिक बदलीको अवस्था रहेको छ। हिमाली भूभागका एक-दुई स्थानमा हल्का वर्षा भइरहेको छ।

दिउँसो लुम्बिनी र सुदूरपश्चिम प्रदेश लगायत पहाडी भूभागमा आंशिकदेखि सामान्य बदली रहनेछ। ती क्षेत्रमा चट्याङसहित हल्कादेखि मध्यम वर्षाको सम्भावना रहेको महाशाखाले जनाएको छ। त्यस्तै, हिमाली भेगमा केही स्थानहरूमा हल्का वर्षासँगै हिमपात हुन सक्नेछ।

मधेश र लुम्बिनी प्रदेशका केही स्थानहरूमा हावाहुरीको सम्भावना पनि रहेको जनाइएको छ।

रातिको समय देशको पहाडी भूभागमा आंशिक बदली रहनेछ भने अन्य क्षेत्रहरूमा मौसम मुख्यतः सफा रहने अनुमान गरिएको छ। कोशी र गण्डकी प्रदेशका पहाडी भागमा एक-दुई स्थानमा चट्याङसहित हल्का वर्षा र हिमाली भागमा हल्का हिमपातको सम्भावना रहेको छ।