चौकुने ८ बिशालबजारमा हेल्दी लिभिङको डाइरेक्ट सेलिङ तथा लिडरसिप डेभलपमेन्ट सम्बन्धी जानकारी

चौकुने। हेल्दी लिभिङ कम्पनी प्रालि नेपालले डाइरेक्ट सेलिङ तथा लिडरसिप डेभलपमेन्ट सम्बन्धी जानकारी दिने कार्यक्रम गरेको छ । आज प्रालि ले चौकुने गाउँपालिकाको भरीपुर्ण सहकारीको भवनमा उक्त कार्यक्रम सम्पन्न गरेको हो । कार्यक्रममा प्रमुख अतिथि हेल्दी नेपालका स्टार डाईरेक्टर मदन न्यौपाने ,सिल्बर डाईरेक्टर कमल आचार्य र ब्राउन्च डाईरेक्टर रमन नेपाली रहेका थिए ।

कार्यक्रममा हेल्दी लिभिङ नेपालले आफ्नै कारखाना बाट उत्पादित २ सय भन्दा बढी प्रोडक्ट, भिजिटेड र डाबर नेपाल आदिका प्रोडक्टहरूको डाइरेक्ट सेलिङ गरिने कुरा बताइएको थियो । किराना पसलबाट सामान किन्नु भन्दा डाइरेक्ट सेलिङबाट किन्दा धेरै फाइदा हुने, नक्कली भए सामान फिर्ता पाइने, पछि सामान किनेको बोनस पनि पाइने स्पीकर मदन न्यौपानेले बताउनु भएको छ । ९ वटा देशमा चलिरहेको र नेपाल मा ३ वर्ष अघि देखि चलिरहेको छ । डाइरेक्ट सेलिङमा लगानी गर्नु नपर्ने र आफ्नो खुट्टामा आफैं उभिने अवसर लिन सकिन्छ ।

सेलिङमा राम्रो गर्न सक्ने लाई कार र विदेश भ्रमण गर्ने अवसर पनि मिल्छ । यसमा लागेका मानिसहरूलाई आर्थिक स्वतन्त्रता, समयको सदुपयोग, प्राकृतिक स्वास्थ्य, व्यक्तित्व विकाश, मान सम्मान, अरुको पनि जीवन स्तर उकास्ने मौका, आर्थिक सुरक्षा, विदेश भ्रमण आदि सेवाहरू प्राप्त गर्न सकिन्छ । डाक्टर टेम्पा शेर्पा कम्पनी का प्रमुख हुनु भएको यो कम्पनी नेपालको सबै भन्दा बढी कर बुझाउने कम्पनी हो । यसको प्रधान कार्यालय काठमाडौंको बत्तीसपुतलीमा रहेको छ । यो कम्पनीको स्थापना २०७७ असार १९ मा भएको हो ।