वडा कार्यालयमा वडा सचिव नहुँदा सेवाग्राही मर्कामा

सुर्खेत । सुर्खेतकाे  पञ्चपुरी नगरपालिका वडा नम्बर ३ को वडा कार्यालयमा गएको एक महिनादेखि सचिवविहीन बनेको छ । वडा कार्यालयमा सचिव नहुँदा सेवाग्राहीलाई सास्ती हुनुको साथै दैनिक सेवा समेत प्रभावित भैइरहेका छन् । स्थानीय तहमा कर्मचारी अभाव हुँदा दैनिक कामकाज प्रभावित भएर नागरिकले सेवा पाउन सास्ती खेप्नुपरेको छ ।

बिगत एक महिनादेखि ३ न.वडा सचिव अमृता कुमारी पोख्रेल सुत्केरी बिदामा बसेकाले यस कार्यलयमा वडा सचिब बिहिन अबस्थामा रहेको छ । वडा सचिव विहिन हुँदा पञ्जिकरणको सबै काम अस्तव्यस्त हुने गरेको वडा न ३ का वडा सदस्य सुरज कार्कीले बताउनुभयो । वडा सचिव नहुँदाखेरी यस वडा भित्रका धेरै नागरिकको समयै मृत्यु दर्ता, जन्मदर्ता, विवाह दर्ता नहुने गरेको पाइएको छ ।

कतीपय नागरिकले उमेर पुगेर पनि वडाबाट आवश्यक कागजात नबन्दा सामाजिक सुरक्षा भत्ताबाट समेत बञ्चित हुनुपरेको वडा सदस्य कार्कीले बताउनुभयो । गाउँगाउँमा सिहं दरबार पुगेपनि सेवाको लागि कर्मचारी नहुँदा यस वडाका नागरिकले संघियताको अनुभव गर्न खासै नपाएको सदस्य सुरज कार्कीको भनाई रहेको छ । पन्चपुरि नगरपालिकालाइ पटकपटक आग्रह गरेको भए पनि हालसम्म पनि वडामा सचिवको कुनै टुङ्गो नलागेको वडा सदस्य सुरज कार्कीले बताउनु भएको छ आजका मितिले २ दिन भित्र वडा कार्यलयमा यथासिघ्र सचिब पठाउन समेत सबन्धित निकायलाइ ध्यानाकर्षण गर्नु भएको छ