सुर्खेतमा लागु औषधसहित आमा-छोरा पक्राउ

सुर्खेत। सुर्खेतको वीरेन्द्रनगरमा लागु औषध सहित आमाछोरालाई प्रहरीले पक्राउ गरेको छ । पक्राउ पर्नेमा वीरेद्रनगर-१२ पदमपुर निवासी  ४५ वर्षीया बिनिता दर्लामी उनकै छोरा २४ वर्षीय बसन्त दर्लामी रहेका छन् ।

बिहीवार दिउँसो १ बजेको समयमा उनीहरूलाई जिल्ला प्रहरी कार्यालय सुर्खेतबाट खटिएको प्रहरीको टोलीले पक्राउ गरेको जिल्ला प्रहरी कार्यालय सुर्खेतका प्रहरी उपरीक्षक रुपेश खड्काले जानकारी दिए।

उनीहरूको घर खानतलासी गर्दा ब्राउन सुगर जस्तो देखिने खैरो धुलो पदार्थ २८ पुडिया प्रहरीले फेला पारेको छ । उनीहरूलाई नियन्त्रणमा लिएर थप अनुसन्धान भइरहेको प्रहरीले जनाएको छ ।