पानीको ट्यांकीमा डुबेर ६ वर्षीया बालिकाको मृत्यु

ताप्लेजुङ – ताप्लेजुङको सिरिजंगा गाउँपालिका–४ मा पानीको ट्यांकीमा डुबेर एक ६ वर्षीया बालिकाको मृत्यु भएको छ। ताप्लेजुङ प्रहरीका अनुसार बालिका इतुङना मावो सिमेन्टले प्लास्टर गरिएको पानीको ट्यांकीमा डुबिरहेको अवस्थामा फेला परेकी  थिइन्।

इलाका प्रहरी कार्यालय तेल्लोकका प्रहरी निरीक्षक दुर्गा खनालका अनुसार बालिका बेहोस अवस्थामा भेटिएकी थिइन्। उनलाई तत्कालै प्राथमिक स्वास्थ्य केन्द्र लगिएको भए पनि चिकित्सकले मृत घोषित गरे।

प्रहरीले घटनाबारे थप अनुसन्धान गरिरहेको जनाएको छ।