अफगानिस्तानमा भूकम्प, भारतसम्म धक्का महसुस

अफगानिस्तान।  पछिल्ला केही दिनयता हिन्दु कुश क्षेत्रमा लगातार भूकम्पको कम्पन महसुस गरिएको छ। यसैक्रममा, बिहीबार दिउँसो अफगानिस्तानलाई केन्द्रविन्दु बनाएर ५.२ रेक्टर स्केलको भूकम्प गएको छ।

भूकम्प नेपाली समयअनुसार दिउँसो १ बजेर ५८ मिनेट जाँदा गएको थियो। अमेरिकी भौगर्भिक सर्वेक्षण (यूएसजीएस) का अनुसार, यसको केन्द्र अफगानिस्तानको हिन्दु कुश क्षेत्र रहेको थियो। यो भूकम्पको झट्का भारतको कश्मीरसम्म महसुस गरिएको छ।

हालसम्म कुनै ठूला जनधनको क्षति भएको विवरण प्राप्त भएको छैन। तर, सञ्चारमाध्यमहरूका अनुसार, भूकम्पको झट्काले केही क्षेत्रहरूमा भवनहरूमा क्षति पुर्‍याएको आशंका गरिएको छ। अधिकारीहरूले थप विवरण संकलन गर्ने कार्य जारी राखेका छन्।