दैलेख दुर्घटना अपडेट : ३ जना रिफर

दैलेख । दैलेखको भैरवी गाउँपालिका- २ मा इलेक्ट्रोनिक हाइस दुर्घटनामा परि घाइते हुने ४ जना  मध्ये ३ जना अस्पतालबाट रिफर  भएका छन भने १ जनाकाे अवस्था सामान्य रहेकाे दैलेख प्रहरीले जनाएकाे छ । मंगलबार दिउँसो १ बजेर ५५ मिनेटमा सुर्खेतबाट दैलेख हुदै जम्बुकाँध जादै गरेको क.प्र. ०२००१ ज ०६२१ इलेक्ट्रोनिक हाइस भैरवी गाउँपालिका २ स्थित रावतकोटमा दुर्घटना भएको प्रहरीले जनाएको छ ।

जिल्ला प्रहरी कार्यालय दैलेखका प्रहरी नायव उपरिक्षक सुनिल दाहालका अनुसार घाइते हुनेमा ठाटीँकाध गाउँपालिका- ५ का जन्दरा शाही, शर्मिला वि.क, हिक्मत शाही र आठबिस नगरपालिका- ८ स्थित तिलेपाटाका बहुबिर शाही  रहेका थिए ।
५ जना सवार रहेको गाडी एक्कासी अनियन्त्रित भइ दुर्घटना भएको अनुमान गरिएको छ ।
उपरिक्षक दाहालका अनुसार घाइते ३ जना जिल्ला अस्पताल दैलेखमा उपचार भइ घर फर्किसकेका छन । चालक सम्पर्कमा नआएको र घटना सम्बन्धी थप जानकारी आउन बाँकि रहेको प्रहरीले जनाएको छ ।