उच्च रक्तचापको समस्यासहित यी शारीरिक समस्या भएका मानिसले बदामको सेवन गर्नु हानीकारक

बदामलाई विशेष पोषक तत्त्व मानिन्छ। जाडो मौसममा चिसो बदाम खान सबैलाई मनपर्छ। यसमा प्रोटिन, फाइबर, आइरन, जिंक, पोटासियम र फ्याटी एसिड जस्ता पोषक तत्व हुने भएकाले यसलाई निकै स्वास्थ्यवर्धक खाना मानिन्छ। बदामको सेवनले धेरै स्वास्थ्य लाभहरू प्रदान गर्दछ, जस्तै यसले हड्डीलाई बलियो बनाउँछ, मुटुको स्वास्थ्यका लागि फाइदाजनक हुन्छ र यसले शरीरलाई ऊर्जा दिन्छ। तर, बदाम केही मानिसहरूका लागि हानिकारक हुन सक्छ।

केही स्वास्थ्य अवस्थाहरूमा बदामको सेवनले गम्भीर समस्याहरू निम्त्याउन सक्छ। कस्ता स्वास्थ्य समस्या भएकाहरूले बदाम खानु हुँदैन र यसका हानि के हुन सक्छ भन्नेबारे चर्चा गरौँ।

यदि तपाईँलाई पाचन सम्बन्धी समस्या छ भने बदामबाट टाढा रहनु राम्रो हुन्छ। धेरै बदामको सेवनले तपार्इंको पाचन प्रणालीलाई असर गर्छ। यसले पेट दुख्ने, ग्यास, एसिडिटी र ब्लोटिङ्ग जस्ता समस्याहरू बढाउन सक्छ। पाचन शक्ति कमजोर भएका मानिसहरूले बदामबाट बच्नुपर्छ। यदि तपाईं बदाम खान चाहनुहुन्छ भने सीमित मात्रामा खानुहोस्। पाचन सुधार गर्न आफ्नो आहारमा फाइबरयुक्त अन्य खानेकुराहरू समावेश गर्नुपर्छ।

उच्च युरिक एसिडको समस्या भएका मानिसहरूले बदाम खानु हुँदैन। बदाममा प्रोटिनको मात्रा धेरै हुन्छ, जसले शरीरमा युरिक एसिडको स्तर बढाउन सक्छ। यसले जोर्नीहरूमा दुखाइ र सुन्निने समस्या निम्त्याउन सक्छ। युरिक एसिड भएकाहरूले बदाम खानु अघि डाक्टरसँग परामर्श लिनुपर्छ। युरिक एसिड नियन्त्रण गर्न धेरै पानी पिउनु र सन्तुलित आहार खानु आवश्यक छ।

यदि तपाईं तौल घटाउन खोज्दै हुनुहुन्छ वा मोटो हुनुहुन्छ भने बदामको सेवन कम गर्नुहोस्। बदाममा बोसो र क्यालोरी धेरै हुन्छ, जसले तौल बढाउन सक्छ। बदामको सट्टा कम क्यालोरीयुक्त स्न्याक्स खाँदा राम्रो हुन्छ। यदि बदाम खानै पर्ने अवस्था छ भने भुटेको वा तेल बिना खाँदा उपयुक्त हुन्छ।

उच्च रक्तचापका बिरामीले बदाम खाँदा सावधानी अपनाउनुपर्छ। यसमा सोडियमको मात्रा उच्च हुन सक्छ, जसले उच्च रक्तचाप निम्त्याउन सक्छ। उच्च रक्तचाप नियन्त्रण गर्नेहरूले बदाम नखानु नै उपयुक्त हुन्छ।

केही मानिसहरूलाई बदामबाट एलर्जी हुन सक्छ, जसले छालामा चिलाउने, सुन्निने, सास फेर्न गाह्रो हुने र एनाफिलेक्सिस जस्ता गम्भीर समस्याहरू निम्त्याउन सक्छ। बदामको एलर्जी बच्चा र वयस्क दुवैमा हुन सक्छ। यदि तपाईंलाई बदामबाट एलर्जी छ भने यसको सेवन कहिल्यै नगर्नुहोस्। एलर्जीको लक्षण देखा परे तुरुन्तै डाक्टरलाई सम्पर्क गर्नुपर्छ।