राष्ट्रिय विधि विज्ञान प्रयोगशाला विधेयकसम्बन्धी प्रतिवेदन राष्ट्रिय सभामा पेस

राष्ट्रिय विधि विज्ञान प्रयोगशाला (स्थापना तथा सञ्चालन) विधेयक, २०८१ सम्बन्धी विधायन व्यवस्थापन समितिको प्रतिवेदन राष्ट्रिय सभामा पेस गरिएको छ । शुक्रवार बसेको राष्ट्रिय सभा बैठकमा समितिकी सभापति तुलसाकुमारी दाहालले प्रतिवेदन प्रस्तुत गर्दै सो विधेयक उपर २९ जना सांसदले ७१ बुँदामा संशोधन प्रस्ताव दर्ता गराएको जानकारी दिइन् ।

समितिले ती संशोधन प्रस्तावहरूबारे विज्ञ तथा सरोकारवाला निकायहरूसँग विस्तृत छलफल गरी प्रतिवेदन तयार पारेको सभापति दाहालले बताइन् । उनका अनुसार प्रस्तुत विधेयकले विधि विज्ञानसम्बन्धी अध्ययन, अनुसन्धान र परीक्षणलाई अझ प्रभावकारी, विश्वसनीय र विशिष्टीकृत बनाउन राष्ट्रिय विधि विज्ञान प्रयोगशाला स्थापना तथा सञ्चालन गर्ने लक्ष्य लिएको छ ।