• फाल्गुन २६, २०८१
  • No Comment
  • 80

जाजरकोटकाे एक घरमा आगलागी : १२ वर्षीय बालकको मृत्यु

जाजरकोटकाे कुशे गाउँपालिका-८ ग्राक्लीमा एक घरमा आगलागी हुँदा १२ वर्षीय बालकको मृत्यु भएको छ। ग्राक्ली निवासी जनक रोकायको घरमा सोमबार राति आगलागी हुँदा उनका छोरा अम्मर रोकायको जलेर मृत्यु भएको जिल्ला प्रहरी कार्यालय जाजरकोटले जनाएको छ।

प्रहरीका अनुसार गएराति १२ बजे रोकायको दुईतले कच्ची घरमा आगलागी भएको थियो। घरको माथिल्लो तलामा खाना पकाउने क्रममा आगो फैलिएको अनुमान गरिएको छ। आगलागीका कारण सोही तलामा सुतिरहेका अम्मर रोकायको घटनास्थलमै जलेर मृत्यु भएको प्रहरी नायब उपरीक्षक पुरुषोत्तम प्रसाद पाण्डेले जानकारी दिएका छन्।

आगलागीबाट घर पूर्ण रूपमा जलेर नष्ट भएको छ। साथै, घरभित्र रहेका अन्नपात, भाँडाकुँडा, लत्ताकपडा, आठ आनाको सुनको तिलहरी र नगद एक लाख २५ हजार रुपैयाँ पनि नष्ट भएको बताइएको छ।

स्थानीयबासी र प्रहरीको सहयोगमा बिहान ४ बजे आगो पूर्ण रूपमा नियन्त्रणमा ल्याइएको थियो। पशुहरूकाे क्षती नभएकाे प्रहरीले जनाएकाे छ ।

सम्बन्धित खबर

कोहलपुर–सुर्खेत १३२ केभी प्रशारणलाइन तिहारसम्म सम्पन्न गरिसक्नु : मुख्यमन्त्री कँडेल

कोहलपुर–सुर्खेत १३२ केभी प्रशारणलाइन तिहारसम्म सम्पन्न गरिसक्नु : मुख्यमन्त्री…

सुर्खेत । कर्णाली प्रदेशका मुख्यमन्त्री यामलाल कँडेलले निर्माणाधीन कोहलपुर–सुर्खेत १३२ केभी प्रशारणलाइन तिहारभित्रै सम्पन्न गर्ने गरी काम गर्न निर्देशन दिएका छन्…
महानगर प्रहरीको काम सिनेमा हेरेजस्तो लाग्छ : मेयर बालेन

महानगर प्रहरीको काम सिनेमा हेरेजस्तो लाग्छ : मेयर बालेन

काठमाडौं । काठमाडौं महानगरपालिकाका मेयर बालेन्द्र शाह (बालेन)ले महानगर प्रहरीको काम सिनेमा हेरेजस्तो लाग्ने गरेको बताएका छन् । शनिबार (भदौ १४)…
सोरु गाउँपालिकामा अनियमितता : निमित्त प्रमुख प्रशासकीय अधिकृत शाहीमाथि करोडौँको भ्रस्टाचारको आरोप

सोरु गाउँपालिकामा अनियमितता : निमित्त प्रमुख प्रशासकीय अधिकृत शाहीमाथि…

मुगु — शक्तिको दुरुपयोग र कानुनी प्रावधानको खुलेआम उल्लंघन गर्दै सोरु गाउँपालिकामा ठूलो आर्थिक अनियमितता भएको तथ्य बाहिर आएको छ ।…

Leave a Reply

Your email address will not be published. Required fields are marked *