गोरखामा माइक्रो बस दुर्घटना: एकको मृत्यु, १४ घाइते

 गाेरखामा माइक्राे बस दुर्घटना हुँदा एककाे मृत्यु भएकाे छ भने १४ जना घाइते भएका छन । गोरखाको मनकामनाबाट फर्कंदै गरेको माइक्रो बस सोमबार बिहान दुर्घटनामा परेकाे हाे ।

जिल्ला प्रहरी कार्यालय गोरखाका डीएसपी इन्द्रप्रसाद सुवेदीका अनुसार दुर्घटनामा ज्यान गुमाउनेको पहिचान खुलेको छैन। घाइतेहरूको तनहुँको आँबुखैरेनी अस्पतालमा उपचार भइरहेको छ।

प्रहरीका अनुसार माइक्रो बस सडकबाट करीब १५ मिटर तल खसेको छ। घटनाको विस्तृत विवरण आउन बाँकी रहेको प्रहरीले जनाएको छ।