आजकाे माैसम

आज शनिबार देशका धेरैजसो स्थानमा मौसम बदली हुने तथा मधेसबाहेकका बाँकी प्रदेशमा हिमपात र हल्का वर्षा हुने सम्भावना रहेको मौसम पूर्वानुमान महाशाखाले जनाएको छ।

आज कोसी, बागमती, गण्डकी, कर्णाली, र सुदूरपश्चिम प्रदेशका हिमाली तथा पहाडी क्षेत्रमा आंशिकदेखि साधारणतया बदली रहने र केही स्थानमा हल्का हिमपात हुने सम्भावना छ। पहाडी क्षेत्रमा हल्का वर्षा हुन सक्ने सम्भावना रहेकाले सर्वसाधारणलाई आवश्यक सतर्कता अपनाउन सुझाव दिइएको छ।

मधेस प्रदेशमा मौसम सामान्यतया सफा रहनेछ भने लुम्बिनी प्रदेशका पहाडी क्षेत्रमा आंशिक बदली रहनेछ। तराई क्षेत्रमा आंशिक बदली भए पनि वर्षाको सम्भावना नरहेको मौसमविद्हरूले जनाएका छन्।

रातिको समयमा पनि हिमाली क्षेत्रमा आंशिकदेखि साधारणतया बदली रहँदै केही स्थानमा हल्का हिमपात हुनसक्ने सम्भावना छ। तराई क्षेत्रमा भने मौसम मुख्यतया सफा रहने अनुमान गरिएको छ।

मौसम पूर्वानुमान अनुसार यात्रु तथा सर्वसाधारणलाई आवश्यक सतर्कता अपनाउन अनुरोध गरिएको छ।