बाल्टिनको पानीमा डुबेर १४ महिनाकी बालिकाकाे मृत्यु

 रौतहटको माधव नारायण नगरपालिका-४, बिशुनपुरवाकी १४ महिनाकी सृष्टि कुमारीको पानीको बाल्टिनमा डुबेर मंगलबार बेलुका मृत्यु भएको छ।

डुबेर अशक्त भएकी सृष्टिलाई तत्काल हेल्थ ल्याण्ड अस्पताल, गरूडामा उपचारका लागि लगिएको थियो। तर, उपचारका क्रममा उनको मृत्यु भएको प्रहरीले जनाएको छ।

यस घटनासम्बन्धी थप अनुसन्धान भइरहेको प्रहरीले जनाएको छ।