चौकुने गाउँपालिकामा HPV खोप जीवन ज्योति मा.बि. गुटुमा शुरू

पाठेघरको मुखको क्यान्सर रोग विरुद्ध लगाईने एच.पि.भि. खोप सेवा अभियानकै रुपमा देश भर सुरु भएको छ । यसै विच चौकुने गाउँपालिकाको वडा नं ६ मा अवस्थित श्री जीवन ज्योति मा.बि. झकमकेमा शुरूवात भएको छ । चौकुने गाउँपालिका वडा न ६का वडा अध्यक्ष गोविन्द थापाको अध्यक्षतामा संचालन भएको खोप केन्द्र सञ्चालन कार्यक्रमका प्रमुख अतिथि चौकुने गाउँपालिका सामाजिक बिकास संयोजक तथा वडा न ८ का वडा अध्यक्ष कमल बहादुर जि सी र चौकुने स्वास्थ्य शाखा प्रमुख ईन्द्र बहादुर जैसुरी रहनु भएको थियो ।

प्रमुख अतिथिको आशन बाट बोल्दै कमल बहादुर जि सीले यो खोप बाट कोहि पनि किशोरी बञ्चित हुन नदिन सबैले लाग्नुपर्ने बताउनुभयो । यस खोप अभियानलाई सार्थक र भव्य रूपमा सफल पार्न वडा खोप समन्वय समिति, महिला स्वयंसेवी समूह, र विद्यालय शिक्षकहरूको महत्वपूर्ण भूमिका रहनेछ भन्दै यस खोप अभियानमा खटिने सम्पूर्णलाई हार्दिक धन्यवाद समेत ब्यक्त गर्नु भएको छ यस्तै कार्यक्रममा चौकुने गाउपालिकाका वडा न ६का वडा अध्यक्ष गोबिन्द थापाले बोल्दै एच.पि.भी.खोप अभियानलाई सफल बनाउनुपर्नेमा जोड दिनु भएको छ ।

उहाले नेपाल सरकारले देशव्यापी रुपमा एच.पि.भी. खोप अभियान सञ्चालन गरिरहेकोले यो अभियानका लक्षित वर्गलाई नछुटाउन सम्पुर्ण क्षेत्रको महत्वपुर्ण भुमिका रहेकोले सबै बर्ग र समुदायले यो अभियानलाई सफल बनाउन आग्रह गर्नु भएको छ ।

कार्यक्रमको संचालन चौकुने गाउँपालिका जन स्वास्थ्य निरिक्षक जनक बिस्वकर्माले गर्नु भएको थियो । उक्त कार्यक्रममा जीवन ज्योति मा बि बिध्यालय ब्यवस्थापन समितिका अध्यक्ष रामलाल बयक , साल्म आधारभुत स्वास्थ्य केन्द्रका अ हे ब बिरेन्द्र बयक र कोईरालबास सामुदायिक स्वास्थ्य ईकाईका प्रमुख पुरुषोत्तम थापा लगायत महिला स्वयम् सेविकाहरुको उपस्थित रहेको थियो ।

चौकुने गाउँपालिका भरी १३१८ जना किशोरी र पालिकाको केन्द्र वडा नं ६ मा आज पहिलो दिन १८३ जना किशोरी लाई HPV खोप लगाईने भएको छ ।