हुम्लाबाट ५ लाख बराबरको अवैध मदिरा बरामद

नेपालको उत्तरी सीमा नाका हिल्साबाट अवैध रूपमा भित्र्याइएको चिनियाँ मदिरा प्रहरीले बरामद गरेको छ ।

हिजो (आइतबार) राती साढे १० बजे हुम्लाको सिमकोट गाउँपालिकास्थित कालिञ्चोक बजारको चोकबाट ५ लाख मूल्य बराबरको २९ बोरा ८७ कार्टुन चिनियाँ झिनिगिन्टी मदिरा बरामद गरिएको हो ।

नेपाल भित्र्याइएको चिनियाँ मदिरा प्रति बोतल ५ सय रुपैयाँका दरले बिक्री हुने गरेको पाइएको जिल्ला प्रहरी कार्यालय हुम्लाका प्रहरी नायब उपरीक्ष शंकर पोखरेल लाईकालाई बताए ।

पोखरेलका अनुसार प्रहरी निरिक्षक सरोज कडेल को कमाण्डमा ५०१ लिटर अवैध मदिरा बरामद गरिएको हो ।