वीरेन्द्रनगरमा १० वर्षीय बालकको पानीमा डुबेर मृत्यु

सुर्खेतको वीरेन्द्रनगर–९ लाटिकोइलीमा १० वर्षीय बालकको पानीमा डुबेर मृत्यु भएको छ । शनिबार दिउँसो करिब साढे २ बजेको समयमा पानीमा डुबेर उनको मृत्यु भएको हो ।

जिल्ला प्रहरी कार्यालय सुर्खेतका अनुसार बालक पानीमा डुबेको अवस्थामा फेला परेका थिए । स्थानीयले बालकलाई पानीबाट बाहिर निकालेर अस्पताल पुर्याएपनि चिकित्सकले मृत घोषणा गरेको प्रहरीले जनाएको छ । बालकको हालसम्म पनि पहिचान हुन सकेको छैन ।

अहिले शव प्रदेश अस्पताल कालागाउँमा राखिएको छ तर अहिले सम्म बालकको परिचय नखुलेको जिल्ला प्रहरी कार्यालय सुर्खेतका प्रहरी उपरीक्षक रुपेश खड्काले जानकारी दिए ।
उनले भने यस सम्बन्धमा थप अनुसन्धान भइरहेको छ । घटनाको प्रकृति हेर्दा बालक पौडी खेल्न आएको जस्तो देखिएको प्रहरीले जनाएको छ ।